Fuente: Poesía bibo di Aruba
lew
m’a tende
sklamashon
djun piedra tirá
dal mi lomba.
ta stranjo
ku no ta fei
mi boka
ni mi garganta
ela sali.
lew
m’a tende
sklamashon,
un sklamashon
ku no ta di mi.
m’a busk’e man
pero mi bista
a dal den nubia
skur skur
i solo
a bai hunga
kak’i skonde.
lew
m’a tende
sklamashon.
awó mi bin bei
ta sklamashon
di mi pueblo
ku no por hanja
e piedra
wardá den museo
di nos alma.
