Fuente: Poesía bibo di Aruba
Tivolí, Tivolí,
elegansia di peluka,
su máster ta di oro,
pòwís di sosiedat
Caribe, Caribe,
garot’i distinshon,
koladó di plata,
patrish’i sosiedat
Estreya, Estreya,
bistí tur na hel,
kamind’i der’e gai,
trupial di sosiedat
portugués pa bari kaya
yaya pa laba paña
chinés pa strika bachi
San Nicolas pa toka brass
hende ariba hende
sombré ku sinta pretu
ta Aruba mes
ta Aruba mes
asina nan ta balia
keresentenchi
keresentenchi
