Kada be mi mira
palabra blanko
wayangá nan peso
bou di hum’i sigaria
nos seso bilengual
yora den su frustrashon,
mi ta maldishoná e gordita
ku un tempo mi a yeg’i adorá.
‘In den beginne was het WOORD
en het WOORD was GOD…’
Asina nos engaño a kuminsá
di un dia pa otro
kabrito a bira Geit
makako a bira Aap
i karné a bira Schaap
Gas pa nos seso
eliminashon di nos promé palabra
palabr’i lechi, palabr’i kurason
palabr’i bida, palabr’i mama
palabr’i Genesis.
