Fuente: Poesía bibo di Aruba
Ayera nochi
El a bati
na mi porta
Bon tirá
den su flus preto
i Su kamisa blanko.
M’a habri porta
lag’E drenta
pon’E sinta
p’ ami bisti
mi pantsut biña.
Asina nos a sali
manera dos enamorá
Kuchi kuchi
Nos ta papia
Kasi den ore’i otro
I na un momento
El a bisa:
Mi amor
Awe nochi
Nos t’ei balia
Nos dos hunto, e Wals
Di Eternidat.
I mes ora
m’a kòrda
riba mi
yunan
bon drumí
M’a laga kai
Saka kareda
Kore bai
Lag’E so
bon babuká
pará den porta
di santana.
