Mi ta un pober desgrasyado, mi ta bebe pa pèrdí
Mundu tin mi pa malbado, buraché, tur korumpí.
Mi ta lucha ku mi pena, sins konswelo, sin amor
Ki kruél ta e kadena, ku mi tin ku lastra awor.
Mi kasá a bandonami, yunan tur ta hui bay
No tin hende pa yudami, mi ta tene pa mi n’kay.
Nochi skur mi so ta drumi, bow di un palu bandoná.
Awa sa bin kore ku mi, hende tin mi bofoná
Ma mi Dyos Bo sa motibo, mi ta asina trastorná
Mi ta víktima, katibu, di un malesa inkurá.
Mi n’tin porta nyun kaminda, mi kasá i yunan tur
Nan ta sufri, sin kuminda, di dia kla te nochi skur.
Kende lo por sokoremi, ken por trese solushon
Tur ta hui i koremi, pa mi no tin komprenshon.
Mi ta un pober desgrasyado, mi ta bebe pa pèrdí
Mundu tin mi pa malbado, kon ta sigi eksistí!
