Na pia di trapi
di e kastio blanku riba seru
nos dos a mira luna kologá
na su pantaya blou sereno…,
su amigunan den konsierto
kinipí wowo ku laman di plata…, i
nan a inspirá nos pa skirbi e libreto.
Pa karga nos historia
un músiko franses bisiña
a krea muzik euro-karibeño,
skohe mas artista krioyo
na disfras di siglo bintiunu
i monta na Monte Tamarindo
un ópera eksepshonal.
Den e último parti
di e di kuater esena
nos ta kanta un dueto, konta
di un kastio nobo riba seru
kaminda na su pia, tur anochi
laman ta zoya melodia
pa nos soña otro soño liber.
———————————-
Free dreams
On the first steps
of the white castle on the hill
he and I saw the moon hanging
on her serene blue screen…,
her friends in concert
winking at the silver sea…, and
they inspired us to write the libretto.
To support our story
a French neighbour, musician
created Euro-Caribbean music,
selected more Creole artists
in twenty-first century costumes
to mount at Tamarind Hill
an exceptional opera.
In the last part
of the fourth scene
we sing a duet, telling
of a new castle on the hill
where at its feet, every night
the sea sways to melodies,
to have us dream yet another free dream.
Lucille Berry-Haseth
Curaçao
written in Saint Martin 2009
English version by the author