Fuente: Poesía bibo di Aruba
Tene mi man i bini
drenta un mundo ku a pasa
mira un rasa k’a muri
mira un rasa nos a mata.
No tin nada mas hundu
k’un anochi sin strea
No tin nada mas duro
ku baranka di Ruba
No tin nada mas straño
k’un pueblo sin futuro
No tin nada mas tristu
k’un pueblo sin pasado
p’esey
Tene mi man i bini
drenta un mundo ku a pasa
mira un rasa ku a muri
mira un rasa nos a mata.
